അൽ ഉബൈദി എങ്ങനെയാണ് മരിച്ചതെന്ന് പറയാമോ?; യുവേഫയുടെ അനുശോചന പോസ്റ്റിൽ ചോദ്യമുയർത്തി മുഹമ്മദ് സലാ

പലസ്തീൻ പെലെ എന്നറിയപ്പെടുന്ന സുലൈമാൻ അൽ ഉബൈദിയുടെ മരണത്തിൽ യുവേഫയെ വിമർശിച്ച് ലിവർപൂളിന്റെ ഈജിപ്ഷ്യൻ സൂപ്പർ താരം മുഹമ്മദ് സലാ.

അൽ ഉബൈദിയുടെ മരണത്തിൽ അനുശോചനവുമായി എത്തിയ യുവേഫയുടെ പോസ്റ്റ് പങ്കുവെച്ച് കൊണ്ട് അൽ അൽ ഉബൈദി എങ്ങനെയാണ് മരിച്ചത്?, എന്തുകൊണ്ടാണ്, എവിടെ ? എന്നീ ചോദ്യങ്ങൾ സലാ ഉയർത്തി.

പലസ്തീനെതിരെ നിരന്തരം ആക്രമണങ്ങൾ തുടരുന്ന ഇസ്രയേലിനോടുള്ള യുവേഫയുടെ മൗനത്തിൽ പ്രതിഷേധിച്ചായിരുന്നു സലായുടെ ഈ ചോദ്യങ്ങൾ .

പലസ്തീൻ ഫു​ട്ബാ​ളി​ന്റെ 'പെ​ലെ’ എ​ന്ന​റി​യ​പ്പെ​ട്ട സു​ലൈ​മാ​ൻ അ​ൽ ഉ​ബൈ​ദ് കഴിഞ്ഞ ദിവസമാണ് ഇ​സ്രായേ​ൽ ആ​​ക്ര​മ​ണ​ത്തി​ൽ കൊ​ല്ല​പ്പെടുന്നത്. പല​സ്തീ​ൻ ദേ​ശീ​യ ടീ​മി​നു​വേ​ണ്ടി​യും ഗ​സ്സ, വെ​സ്റ്റ് ബാ​ങ്ക് ടീ​മു​ക​ൾ​ക്കും ക​ളി​ച്ച് മൈ​താ​ന​ത്ത് പല​സ്തീ​ൻ പോ​രാ​ട്ട​വീ​ര്യ​ങ്ങ​ളു​ടെ പ്ര​തീ​ക​മാ​യ 41കാ​ര​ൻ ഗ​സ്സ​യി​ലെ സ​ഹാ​യ വി​ത​ര​ണ കേ​ന്ദ്ര​ത്തി​ൽ ഭ​ക്ഷ​ണ​ത്തി​നാ​യി മ​ക്ക​ൾ​ക്കൊ​പ്പം വ​രി നി​ൽ​ക്കു​മ്പോ​ഴാ​ണ് ഇ​സ്രാ​​യേ​ൽ സൈ​ന്യം ആ​​ക്ര​മി​ച്ച് ​കൊ​ല​പ്പെ​ടു​ത്തി​യ​ത്.

1984ൽ ​ജ​നി​ച്ച സു​ലൈ​മാ​ൻ അ​ൽ ഉ​ബൈ​ദ് ഗ​സ്സ​യി​ലെ ഏ​റ്റ​വും ആ​രാ​ധ​ക​രു​ള്ള ഫു​ട്ബാ​ള​ർ​മാ​രി​ൽ ഒ​രാ​ളാ​യി​രു​ന്നു. ​മ​ധ്യ​നി​ര​യി​ലെ ആ​ക്ര​മ​ണ ഫു​ട്ബാ​ളു​മാ​യി ക്ല​ബ് കു​പ്പാ​യ​ത്തി​ലും ദേ​ശീ​യ ടീ​മി​ലു​മാ​യി ഗോ​ളു​ക​ൾ അ​ടി​ച്ചു​കൂ​ട്ടി​യ ക​ളി​ശൈ​ലി ക​ണ്ടാ​ണ് ആ​രാ​ധ​ക​ർ ​‘പല​സ്തീ​ന്റെ പെ​ലെ’ എ​ന്ന് വി​ളി​ച്ച​ത്. നി​ല​വി​ൽ ഗ​സ്സ​യി​ലെ ലീ​ഗ് ഫു​ട്ബാ​ളി​ലും സ​ജീ​വ​മാ​യി​രു​ന്നു സു​ലൈ​മാ​ൻ ഉ​ബൈ​ദ്.

Content Highlights: 'Tell us how he died': Salah criticizes UEFA tribute to 'Palestinian Pele'